३० दिनभित्र विवरण नबुझाउने सहकारी खारेज गर्ने काठमाडौं महानगरपालिकाको चेतावनी

नेपालभ्युज

काठमाडौं। काठमाडौं महानगरपालिकाले ३० दिन भित्र विवरण नबुझाउने सहकारी संस्थाहरुको खारेजी गर्ने चेतावनी दिएको छ ।

महानगरले आज एक सूचना निकालेर सहकारी संस्थाहरुले साधारण सभाको जानकारी, लेखापरीक्षण प्रतिवेदनलगायत तोकिएका विवरणहरु पेश गर्न निर्देशन दिएको छ ।

काठमाडौं महानगरपालिका सहकारी ऐनले सहकारी संस्थाको साधारण सभा प्रत्येक आर्थिक वर्ष सकिएको मितिले ६ महिना भित्र बोलाउनुपर्ने, आव सकिएको बढीमा ३ महिना भित्र लेखापरीक्षकबाट प्रत्येक आवको लेखापरीक्षण गराउनुपर्ने भएपनि त्यसो नगरिएको भन्दै सचेत गराएको छ।

महानगरले उक्त प्रावधानहरु उल्लंघन गरे सहकारी संस्था विघटन वा दर्ता नै खारेज गर्ने चेतावनी दिएको छ।