एजेन्सी। इन्डियन प्रिमियर लिग (आईपीएल) क्रिकेटमा दिल्ली क्यापिटल्सले सनराइजर्स हैदरावादलाई ७ रनले हराएको छ ।
यो सँगै दिल्लीले ७ खेलमा दोस्रो जित निकालेको छ । गएराति भएको खेलमा दिल्लीले दिएको १ सय ४५ रनको लक्ष्य पछ्याएको हैदरावादले २० ओभरमा ६ विकेट गुमाएर १ सय ३७ रन बनायो । हैदरावादका मयङ्क अग्रवालले सर्वाधिक ४९ रन बनाए पनि टोलीलाई जिताउन सकेनन् ।
दिल्लीका एनरिच नोर्किया र अक्षर पटेलले समान २/२ तथा इशान्त शर्मा र कुलदीप यादवले समान १/१ विकेट लिए ।
त्यसअघि हैदरावादमा टस जितेर पहिला ब्याटिङ गरेको दिल्लीले निर्धारित २० ओभरमा ९ विकेट गुमाएर १ सय ४४ रन बनाएको थियो । दिल्लीका मनिष पान्डे र अक्षर पटेलले समान ३४ रन बनाए । हैदरावादका वासिङ्टन सुन्दरले ३ तथा भुवनेश्वर कुमारले २ विकेट लिए र टी नटराजनले १ विकेट लिए ।
दिल्ली अङ्कतालिकाको पुछारमा नै छ । समान खेलमा चार अङ्क नै रहेको हैदरावाद नवौँ स्थानमा छ ।
Facebook Comment
Comment