रियल मड्रिड च्याम्पियन्स लिगको सेमिफाइनलमा, १६ वर्षपछि एसी मिलान पनि अन्तिम चारमा

नेपालभ्युज

एजेन्सी। रियल मड्रिड च्याम्पियन्स लिग फुटबलको सेमिफाइनलमा प्रवेश गरेको छ ।

क्वाटरफाइनलको दोस्रो लेगमा मंगलबार राति इंग्लिस क्लब चेल्सीलाई २-० गोल अन्तरले हराएर रियल अन्तिम ४ मा पुगेको हो । रियलले पहिलो लेगमा पनि चेल्सीलाई २ गोलले नै हराएको थियो । रियल समग्रमा ४-० को जितसहित अन्तिम चारमा पुगेको हो ।

गएराती चेल्सीको मैदानमा भएको दोस्रो लेगमा रियललाई जित दिलाउन दुबै गोल रोड्रिगोले गरे ।

यस्तै, एसी मिलान पनि सेमिफाइनलमा पुगेको छ । गएराती नापोलीसँग बराबरीमा रोकिएपनि समग्रमा २–१ को जित निकाल्दै मिलान १६ वर्षपछि अन्तिम चारमा पुग्न सफल भएको हो ।