‘ए’ डिभिजन लिग : थ्री स्टारमाथि जावलाखेलको जित, मछिन्द्र र चर्च ब्वाइजको बराबरी

नेपालभ्युज

काठमाडौं। शहिद स्मारक ए डिभिजन लिगमा जावलाखेल युथ क्लबले तेस्रो जित हासिल गरेको छ ।

सातदोबाटोस्थित एन्फा कम्प्लेक्समा शुक्रबार भएको खेलमा जावलाखेलले थ्री स्टार क्लबलाई १–० गोलअन्तरले पराजित गरेको हो ।

यससँगै जावलाखेलले ३ अङ्क थपेको छ । जावलाखेलको लागि कोटो मासोओबीले गोल गरे। खेलको १५ औँ मिनेटमा मासोओबीको गोल नै निर्णायक बन्यो।

चर्च ब्वाईज यूनाईटेडले मछिन्द्र क्लबलाई बराबरीमा रोकेको छ । च्यासल रंगशालामा भएको खेल गोलरहित बराबरीमा सकिएको हो । दुवै टोलीले १–१ अंक प्राप्त गरेका छन् ।