एजेन्सी । हामीले मासु तथा अन्य खानामा प्रयोग गर्ने गरम मसालामा समावेश गरिएको हुन्छ जाइफल । यसले खानामा स्वाद बढाउनुका साथै स्वास्थ्यमा फाइदा पनि गर्दछ ।
आयुर्वेदअनुसार यसलाई विभिन्न रोग निवारकको रुपमा पनि प्रयोग गरिँदै आएको छ ।
अनिद्रा
जाइफल घोटेर दुधमा मिसाई पिउनाले निद्रा लाग्दछ तर यो बढी मिसाएर खाँदा नसा लाग्ने तथा शरीरका लागि हानिकारक पनि हुन सक्छ ।
जीउ दुख्ने र गल्नेमा
जीउ दुखेमा, हातगोडा गलेमा जाइफललाई पानी वा दुधमा पकाई पिउने गर्दा समस्या केही क्षणमै सुधार हुन्छ । तोरीको तेलमा जाइफल थिचेर फुराउने र त्यसलाई जीउमा दल्दा आराम पाइन्छ ।
जोर्नी दुखाइ
जाइफल र तितेपातीको पातलाई तोरीको तेलमा राखी पानी दोब्बर राखेर उमाल्ने र कम आँचमा पकाई पानी सुकाउने । उक्त तेललाई जोर्नी दुखेको ठाउँमा राखी कपडाले बेर्ने गर्दा दुखाइ कम हुन्छ ।
नपुंसकता एवं शीघ्रपतन
एक लिटर दुधमा थोरै जाइफल राखेर पकाउने र त्यसमा एक चम्चा मह र सानो टुक्रा शिलाजित मिसाई पिउने गर्दा नपुंसकता एवं शीघ्रपतन सम्बन्धी समस्या ठीक हुन्छ । यसरी केही महिनासम्म प्रयोग गर्नुपर्दछ ।
अरुचि
भोक नलाग्ने भएमा केही दिन जाइफलको टुक्रा चुस्नाले फाइदा मिल्छ
Facebook Comment
Comment