काठमाडौं : नवलपरासीमा माओवादीका दुई जना उम्मेदवार प्रतिस्पर्धाबाट बाहिरिएका छन् । नवलपरासी पश्चिमको क्षेत्र नम्बर एकबाट उम्मेदवारी दिएका माओवादी केन्द्रका दुई जनाले उम्मेदवारी निष्क्रिय बनाएका हुन् ।
क्षेत्र नं. १ को प्रतिनिधिसभा सदस्यमा उम्मेदवारी दिएकी सीता बौडेल र सोही निर्वाचन क्षेत्रको प्रदेशसभा ‘क’ मा उम्मेदवारी दिएका चन्द्रकान्त ढकालले विज्ञप्ति निकालेर उम्मेदवारी निष्क्रिय बनाएको घोषणा गरेका हुन् ।
माओवादीकी नवलपरासी जिल्ला सहइञ्चार्जसमेत रहेकी बौडेलले सोही निर्वाचन क्षेत्रबाट २०६४ सालमा संविधानसभा निर्वाचन जितेकी थिइन् । ढकाल पार्टीका प्रदेश परिषद् सदस्य हुन् । उक्त क्षेत्रमा गठबन्धनबाट कांग्रेसका विनोद चौधरी उम्मेदवार छन् ।
भागवण्डमा माओवादी केन्द्रलाई परेको यो क्षेत्रमा पछि कांग्रेसले चौधरीका लागि भन्दै आफूले लिएको थियो । तर प्रदेशसभा सदस्य समेत नदिएपछि माओवादीले पनि प्रतिनिधिसभामा उम्मेदवारी दर्ता गरेको थियो ।
Facebook Comment
Comment