एजेन्सी । कोरोना महामारीका बेला एलोपेथी औषधिविरुद्ध बयान दिएकोमा भारतको सर्वोच्च अदालतले योग गुरु रामदेवसँग जवाफ मागेको छ । अदालतले यसबारे केंद्र सरकारलाई सूचना पनि दिएको छ ।
भारतीय मेडिकल एसोसिएशनले दायर गरेको मुद्धामा सुनुवाई गर्दै अदालतले बाबा रामदेवमाथि कडा टिप्पणी गरेको हो । अदालतले उनलाई सोधेको छ, ‘ योगलाई प्रचार प्रसार गर्नु ठिकै छ । तर अन्य व्यवस्थाको आलोचना किन गरेको हो ? यसको के ग्यारेन्टी छ कि तिमीले जे पालन गरिरहेका छौं त्यसले रोगीको उपचार हुन्छ ?’
मेडिकल एसोसियशनले कोरोना महामारीका बेला खोप अभियान र आधुनिक औषधिविरुद्ध अभियान चलाएको भन्दै रामदेवलाई कडा कारवाही गर्न माग गरेको छ ।
Facebook Comment
Comment