आईजीपी नियुक्तिविरुद्धको रिटमा अन्तिम सुनुवाइ हुँदै

काठमाडौं। नेपाल प्रहरीको आईजीपी नियुक्तिविरुद्ध परेको रिटको आज अन्तिम सुनुवाइ हुँदैछ। आईजीपी नियुक्ति प्रक्तियामा असन्तुष्ट एआईजी विश्वराज अर्यालले दर्ता गरेको रिटमा आज अन्तिम सुनुवाइ हुन लागेको हो।

एआईजी पोखरेलले आफूभन्दा कनिष्ठलाई जेष्ठता मिचेर आईजीपी बनाएको भन्दै उक्त नियुक्ति बदर गरेर आफूलाई आईजीपी नियुक्त गर्नुपर्ने मागसहित रिट दर्ता गराएका थिए। उनले सरकारले आफूभन्दा १७ महीना जुनियर व्यक्तिलाई आईजीपी बनाएको भन्दै रिट दर्ता गरेका थिए।

उक्त रिटमा यसअघि सुस्मलता माथेमाको एकल इजलासले पोखरेलले मागेअनुसार अन्तरिम आदेश दिन अस्वीकार गरेको थियो। सोही इजलासले १७ जेठका लागि सार्न नमिल्ने गरी उक्त मुद्दाको पेशी तोकेको थियो।

सरकारले सिनियर एआईजी पोखरेललाई पन्छाउँदै धीरजप्रताप सिंहलाई आईजीपी बनाएको थियो। सिंह एआईजीमा बढुवा भएको एक महीनामै आईजिपी बन्न सफल भएका थिए।