ब्राजिलमा बाढी पहिरोबाट १७६ जनाको मृत्यु, १०० हराए

एजेन्सी। ब्राजिलको रियो दी जेनेरियो राज्यको पर्यटकीय शहर पेट्रोपोलिसमा गत सातादेखि परेको भारी वर्षाका कारण जारी बाढी र पहिरोका परी मृत्यु हुनेको संख्या १७६ पुगेको स्थानीय अधिकारीहरुले जनाएका छन्।

रियो दी जेनेरियो राज्यबाट ६८ किलोमिटर उत्तरमा अवस्थित पेट्रोपोलिस नगरपालिकामा जारी यस बाढीमा परेर अरु कम्तीमा १०० जना अझै पनि हराइरहेका उनीहरुले जानकारी दिएका छन्। माटोमा पुरिएका मानिसहरूको खोजीमा उद्धार टोलीहरू दिनरात खटिरहेका छन्, अहिलेसम्म २४ जनाको उद्धार गरिएको छ।

यस क्षेत्रमा सबैभन्दा तीव्र वर्षा फेब्रुअरी १५ मा रेकर्ड गरिएको थियो। त्यसपछि धेरै पटक भारी वर्षा भएको छ। सोमबार दिनको समयमा वर्षाको लागि पूर्वानुमानको साथ, राष्ट्रिय मौसम विज्ञान संस्थानले रिपोर्ट गरेको थियो। हालको रेकर्ड गरिएको मृत्युको संख्या यस शहरको इतिहासमा सबैभन्दा धेरै हो। सन् १९८८ मा विनाशकारी भारी वर्षाको कारण १७१ व्यक्तिको मृत्यु भएको थियो।

त्यहाँ गएको करीब सात दिनदेखि वर्षा र त्यसका कारण बाढी पहिरोको प्रकोप जारी नै रहेको बताइएको छ। त्यहाँका स्थानीय अधिकारीहरुले दिएको जानकारीअनुसार व्यापक वर्षाका कारण सडकहरू बन्द भएका छन् भने ठूलो मात्रामा भौतिक सम्पत्तिमा पनि क्षति पुगेको छ।

मंगलबार सातौँ दिन पनि वर्षा जारी छ। यसबाट हजारौँ मानिस प्रभावित बनेका अधिकारीहरूले जनाएका छन्। त्यहाँका उद्धारकर्मीहरुको भनाइअनुसार सबैभन्दा बढी क्षति पेटोपोलिस शहरमा भएको छ। त्यहाँ सन् १९३२ पछिको सबैभन्दा बढी वर्षा भएको छ। वर्षाका कारण यहाँ मानवीयका साथै अन्य भौतिक सम्पत्तिमा पनि क्षति पुगेको बताइएको छ।

बाढी तथा डुबानका कारण करीब दर्जनौँ घर क्षतिग्रस्त भएका र सयौँ जनालाई प्रायजसो विद्यालयहरूमा आश्रय दिइएको बताइएको छ। विशेषज्ञहरूको भनाइअनुसार जलवायु परिवर्तनको प्रभावले अहिले भारी मात्रामा वर्षा बढाइरहेको छ।