बलिउडका यी सेलिब्रिटीले बडीगार्डलाई कति दिन्छन् पारिश्रमिक ?

सेलिब्रिटीहरू सार्वजनिक कार्यक्रममा गइरहनुपर्ने अवस्था हुन्छ। सुरक्षाबिना उनीहरू सार्वजनिक स्थानमा जान सक्दैनन्, विशेषगरी विदेशी सेलिब्रिटीहरूको हकमा भने त यो अनिवार्य नै हो।

त्यसैले उनीहरूले आफ्नो सुरक्षाको जिम्मेवारीका लागि अंगरक्षकहरू राखेका हुन्छन्। जसले उनीहरूलाई रक्षा गरिरहन्छन्। यी अंगरक्षकहरू भीडबाट कुनै पनि कार्यक्रम वा समारोहमा सेलिब्रेटीहरूसँग रहन्छन् ताकि कुनै अप्रिय घटना नहोस्। तर यी अंगरक्षकहरूले यसका लागि मोटो तलब पनि पाउँछन्। भारतका कुन सेलिब्रेटीका अंगरक्षकलाई कति छ पारिश्रमिक ?

सलमान खान

सलमानका अंगरक्षकको नाम शेरा हो। शेराले २४ वर्षदेखि सलमानलाई संरक्षण गर्दै आएका छन्। जहाँ सलमान पुग्नुपर्छ, शेरा त्यसको एक दिन अगाडि नै त्यसबारे चेक गरिसक्छन्। कहिलेकाहीँ बाटो खाली गर्न पाँच–पाँच किलोमिटरसमेत हिँड्छन्।

बडी बिल्डिङमा जुनियर मि मुम्बई र जुनियर मिस्टर महाराष्ट्र जस्ता उपाधि जितेका शेरा सधैं सलमानको साथमा हुने गर्छन्। सलमानको सुरक्षाका लागि शेराले वार्षिक २ करोड भारु लिने गरेका छन्। जुन मासिक १६ लाख ५० हजार रुपैयाँ हुन आउँछ।

शाहरुख खान

शाहरुख खानका बडीगार्डको नाम रवि सिंह हो, जसले उनको धेरै वर्षदेखि सुरक्षा गर्दै आएका छन्। उनले पनि वार्षिक २ करोड ७ लाख भारु पारिश्रमिक पाउँछन्। यस अनुसार उनको मासिक तलब २२ लाख ५० हजार भारु छ।

अक्षय कुमार

अक्षय कुमारको अंगरक्षकको नाम श्रेयस हो। अक्षयसँगै उनले छोरा आरवको पनि सुरक्षा गर्ने गर्छन्। यसका लागि अक्षयले वार्षिक १ करोड दुई लाख अर्थात् १० लाख रुपैयाँ मासिक पारिश्रमिक दिन्छन्।

आमिर खान

आमिर खानका अंगरक्षकको नाम युवराज घोरपडे हो, जो बडी बिल्डिङमा करिअर बनाउन चाहन्थे तर हुन सकेनन्। यसपछि उनी एस सेक्युरिटी एजेन्सीमा आए र उनलाई आमिर खानको सुरक्षाको जिम्मेवारी दिइएको थियो। युवराजले वार्षिक २ करोड भारु अर्थात् करिब १६.६ लाख रुपैयाँ मासिक तलब पाउँछन्।

अनुष्का र विराट कोहली

अनुष्का र विराटले पनि आफ्नो सुरक्षाका लागि प्रकाश सिंह उर्फ ​​सोनुको काँधमा छाडेका छन्। सोनुको तलब वार्षिक १.२ करोड भारु हो, जस अनुसार उनले प्रतिमहिना करिब १० लाख रुपैयाँ पाउँछन्।

दीपिका पादुकोण

दीपिका पादुकोणले पनि जलाल नाम गरेका बडीगार्ड राखेकी छन्। जो वर्षौंदेखि उनको सुरक्षा गर्दै आएका छन्। दीपिकाले उनलाई सपोर्ट स्टाफ जस्तै व्यवहार मात्र गर्दैनन्, राखी पनि बाँध्छिन्। जलालले वार्षिक ८० लाखदेखि १.२ करोड भारुसम्म तलब पाउँछन्।