बाबुरामको ट्विटमा भीम रावलको जवाफः नक्कली पीएचडी सीमापारी होला, त्रिविमा हुन्न

काठमाडौं। पूर्वप्रधानमन्त्ती तथा जनता समाजवादी पार्टीका संघीय परिषद् अध्यक्ष डा. बाबुराम भट्टराई र नेकपा एमालेका नेता तथा पूर्वउपप्रधानमन्त्ती भीम रावल एकअर्काको पीएचडी नक्कली हुनसक्ने भन्दै सवालजवाफमा उत्रिएका छन्।

भट्टराई र रावल सामाजिक सञ्जाल ट्विटरमा सवालजवाफमा उत्रिएका हुन्। अमेरिकी सहयोग परियोजना एमसीसीको विषयमा रावलले प्रधानमन्त्री शेरबहादुर देउवालाई बुझाएको स्मृतिपत्रमा भट्टराईको नाम उल्लेख भएपछि उनीहरु सवालजवाफमा उत्रिएका हुन्।

भट्टराईको अग्रसरतामा गोप्य रुपमा एमसीसी सम्झौता भएको उल्लेख गरेर रावलले स्मृतिपत्र बुझाएपछि भट्टराईले उक्त आरोप तथ्यहीन रहेको भन्दै ट्विट गरे। भट्टराईले तथ्यबिना लेख्ने रावलको पीएचडी नै नक्कली हुनसक्ने आशंका गरे।

यी कण @BhimRawal179 ले PhD गरेको भनेर नाउॅको अगाडि ‘डा.’ पनि झुण्ड्याउॅछन्!विद्यावारिधि गर्दा कसैवारे कुनै दावी गरियो भने त्यसको श्रोत/मिति/स्थान खुलाउनुपर्छ।उनले दावी गरेजस्तो ‘बाबुरामले गोप्य रूपमा एमसीसी सम्झौता गरेको”हो भने कहिले,कहाॅ,कसरी खुलाउनुपर्दैन? कि यी नक्कली PhDहुन्? https://t.co/3VO9ojfVhx

— Baburam Bhattarai (@brb1954) January 31, 2022

भट्टराईको सोही ट्विटमा रावलले रिप्लाई दिएका छन्। उनले रिप्लाई दिनेक्रममा एमसीसीबारे सर्वदलीय सहमतिमा गर्नुपर्ने काम भट्टराईले सरकारमा छँदा चुपचाप गरेको प्रष्ट पारेका छन्।

बाबुरामजी प्रमं हुँदा २०६८ मा चुपचाप एमसीसीसंग पत्राचार गरी टोली गठन गरिएको तथ्य मैले उल्लेख गरेको छु ।त्यो बेला दलीय सहमतिबाट मात्र त्यस्तो गर्नसकिन्थ्यो तर जानकारीसम्म गराइएन।PhD नक्कली सीमापारी हुनेगरेको सधैं चर्चा हुन्छ, त्रि.वि.वि. बाट PhD कसैको नक्कली हुने चर्चा नै हुन्न।

— Dr. Bhim Rawal (@BhimRawal179) February 1, 2022

रावलले आफ्नो पीएचडी उपाधि नक्कली हुन सक्ने भनेर भट्टराईले गरेको टिप्पणीबारे भनेका छन्, पीएचडी नक्कली सीमापारि हुनेगरेको सधैं चर्चा हुन्छ, त्रिविविबाट पीएचडी कसैको नक्कली हुने चर्चा नै हुन्न।’