ओलीको अगुवाइमा हुँदै आएको गुटबन्दीले छलाङ मार्‍यो : भीम रावल

काठमाडौं। नेकपा एमालेका पूर्वनेता भीम रावलले एमालेमा केपी ओलीको अगुवाइमा हुँदै आएको गुटबन्दीले छलाङ मारेको बताएका छन्। आइतबार बसेको पार्टीको केन्द्रीय कमिटीको बैठकले गरेको निर्णयमाथि टिप्पणी गर्दै उनले एमालेको मनोनयन, जिम्मेवारी र कार्यविभाजन गुटस्वार्थ प्रेरित अहम् तुष्टीको नमूना भएको बताएका हुन्।

सामाजिक सञ्जाल ट्विटरमा उनले पार्टीको हितका लागि यस्तो प्रवृत्ति हट्नुपर्ने बताएका छन्।

आइतबार बसेको पार्टीको केन्द्रीय कमिटीको बैठकले पार्टी अध्यक्ष ओलीको प्रस्तावमा केन्द्रीय कमिटीदेखि स्थायी कमिटी र पोलिटब्यूरोसम्म गठन गरेको थियो।

एमालेमा भरखरै भएका मनोनयन र जिम्मेवारी वा कार्यविभाजन हेर्दा केपी ओलीजीको अगुवाईमा लामो समयदेखि हुँदै आएको गुटबन्दीले छलांग मारेको देखियो।यो देश र जनताप्रति प्रतिवद्ध पार्टी निर्माणको प्रक्रिया नभई गुटस्वार्थ प्रेरित अहं तुष्टीको नमूना हो।यस्तो प्रवृत्ति हट्नु पार्टी हितमा हुन्छ।

— Dr. Bhim Rawal (@BhimRawal179) December 12, 2021