पहिचानवादी र कोशी प्रदेश सरकारवीच पुन: वार्ता सुरु

नेपालभ्युज

काठमाडौं । कोशी प्रदेश सरकार र पहिचान पक्षधरबीच विराटनगरमा वार्ता सुरु भएको छ ।

प्रदेश एक पुनः नामकरण संयुक्त संघर्ष समितिले बनाएको वार्ता टोली र कोशी प्रदेश सरकार बीच हिजो स्थगित वार्ता पुन सुरु भएको हो ।

आजको वार्ता एजेण्डागत विषयमा केन्द्रित रहने बताइएको छ । हिजो एजेन्डामा नै प्रवेश नगरी वार्ता स्थगित भएको थियो ।

प्रदेशको नाम प्रति असन्तुष्टहरूको माग सम्बोधनका लागि भन्दै भौतिक पूर्वाधार विकास मन्त्री कमल जवेगुको संयोजकत्वमा ३ सदस्यीय वार्ता टोली गठन भएको थियो ।

सो वार्ता टोलीले वार्ताको आव्हान गरेपछि पहिचान पक्षधरहरूले पनि ११ सदस्यीय वार्ता टोली गठन गरेका थिए । हिजोदेखि सुरु भएको वार्ता सकारात्मक भएको दुवै पक्षले बताएका छन् ।