अर्थतन्त्र सुधारका लागि प्रधानमन्त्रीलाई चन्द्र ढकालको यस्तो सुझाव

काठमाडौं–अर्थतन्त्र चलायमान बनाउन नेपाल उद्योग बाणिज्य महासंघका अध्यक्ष चन्द्र ढकालले प्रधानमन्त्रीलाई विभिन्न सुझाव दिएका छन् । सिंहदरबारमा मंगलबार भएको अर्थतन्त्र सुधारका लागि प्रधानमन्त्री प्रचण्डसँग भएको छलफलमा ढकालले सुझाव दिएका हुन् ।

उनले व्यवसायीहरुको कफिन्डेन्स बढाउन राज्यले पूँजी खर्च बढाएर, लगानीमैत्री वातावरण बनाउँदै आर्थिक गतिविधि बढाउन आवश्यक रहेको सुझाएका छन् । शान्ति, सुरक्षा, लगानी सुरक्षा, र लगानीकर्तालाई उत्प्रेरणा हुने वातावरण बनाउन जरुरी रहेको उनको भनाइ छ ।
‘अहिले विद्युत उत्पादन पर्याप्त रहेको छ । पर्याप्त रुपमा रहेको बिजुलीको खपत बढाउनु जरुरी छ,’ उनले भने ।

पर्यटन प्रवर्द्धनका कार्यक्रमबाट छोटो समयमा अधिकतम फाइदा लिन सकिने भएकाले यसलाई प्राथमिकतामा राख्नुपर्ने उनको सुझाव छ ।