एजेन्सी। इंग्लिस प्रिमियर लिगमा शनिबार म्यानचेस्टर युनाइटेडले नाटकीय जित निकालेको छ । गएराति भएको खेलमा युनाइटेडले ब्रेन्टफर्डमाथि २–१ को नाटकीय पुनरागमन जित निकालेको छ ।
१ गोलले पछि परेको अवस्थामा इन्ज्युरी समयमा २ गोल फर्काउँदै युनाइटेड जित हासिलल गर्न सफल भएको हो । दुबै गोल स्कट मकटोमिनेले गरेका हुन् ।
२६औं मिनेट माथियास येन्सनले गोल गर्दै ब्रेन्टफर्डलाई अग्रता दिलाएका थिए । तर ८७ औँ मिनेटमा मैदान प्रवेश गर्ने मौका पाएका मकटोमिनेले ४ मिनेटको फरकमा २ गोल गर्दै लागि सनसनीपूर्ण जित निकाले ।
उनले इन्ज्युरी समयको तेस्रो र सातौं मिनेटमा गोल गरे जितपछि युनाइटेड ८ खेलमा १२ अंक सहित दशौं स्थानमा उक्लेको छ । ब्रेन्टफर्ड ७ अंक सहित १४ औं स्थानमा छ।
शनिबार नै अर्को खेलमा चेल्सीको बर्नली लाई ४–१ ले हरायो । चेल्सीका लागि कोल पाल्मर, रहिम स्टर्लिङ र निकोलस ज्याक्सनले समान १ गोल गर्दा अर्को आत्मघाती गोल उपहार पाएको थियो। चेल्सी ८ खेलमा ११ अंकसहित चेल्सी ११ औँ स्थानमा छ । बर्नली ४ अंक सहित १९ औं स्थानमा छ ।
शनिबार नै भएको खेलमा एभर्टनले बर्नमाउथलाई ३ गोलले हरायो । एभर्टन १५ औँ र बर्नमाउथ १९ औँ स्थानमा छ । क्रिष्टल प्यालेस र नटिङघम फरेस्टले बराबरी खेले । क्रिष्टल प्यालेस नवौं स्थानमा पुगेको छ ।
शनिबारको पहिलो खेलमा १० खेलाडीमा सिमित टोटेनहम हटस्परले लुटन टाउन माथि १–० को संघर्षपूर्ण जित हासिल गरेको छ ।मिकी भ्यान डे भेनको ५४औं मिनेट गरेको गोलमा टोटेनहम विजयी भएको हो ।
जित पछि टोटनहम ८ खेलमा २० अंकसहित प्रिमियर लिग तालिकाको शीर्ष स्थानमा उक्लिएको छ ।
Facebook Comment
Comment