यामाहा नेपालको सर्वाधिक ठूलो ‘ब्लू स्क्वायर शोरुम’ भक्तपुरको कौशलटारमा

काठमाडौं। नेपालको लागि यामाहा मोटरसाइकल तथा स्कुटरको आधिकारिक विक्रेता एमएडब्लु इन्टरप्राइजेज प्रालिले नेपालकै अत्याधुनिक र सर्वाधिक सुविधा सम्पन्न भएको शोरुम सञ्चालनमा ल्याएको छ ।

प्रमुख अतिथि एमएडब्लु ग्रूप अफ कम्पनिजका प्रबन्ध निर्देशक विष्णुकुमार अग्रवाल, हिमालयन रोडिज सिजन-५ का होस्ट सुरजसिंह ठकुरी र अभिनेत्री प्रियंका कार्कीले हालै भक्तपुरको कौशलटारमा ब्लु स्क्वायर शोरुमको सोमबार उद्घाटन गरेका छन् । उक्त शोरुम टू ह्विलर उद्योगकै ठूलो र अत्याधुनिक शोरुम मानिएको छ ।

यामाहाको विश्वव्यापी नयाँ अवधारणा ‘ब्लु स्क्वायर’ लाई अबलम्बन गरी कौशलटार भक्तपुरमा उक्त शोरुम सञ्चालनमा ल्याइएको एमए डब्लुले जानकारी दिएको छ । यामाहाको ‘ग्लोबल मोटर स्पोर्ट्स लिगेसी’ लाई आत्मसाथ गर्दै सम्पूर्ण राइडर्सले आफ्नो राइडिङ प्रतिको चाहना र उत्साहलाई हरेक कुनाबाट अनुभव गर्न सक्ने स्थानको रूपमा ‘ब्लू स्क्वायर’ शोरुमलाई लिईएको छ ।

ब्लू स्क्वायर शोरुममा प्रयोग गरिएको ‘ब्लू’ कलरले यामाहा ब्राण्डको ‘रेसिङ डिएनए’ लाई झल्काउने र ‘स्क्वायर’ ले ‘वान स्टप बाइङ जक्सन’ जसमा ग्राहकले मोटरसाइकल, स्कुटर, एसेसेरिज र एपेरल्स एकै ठाउँबाट अनुभव तथा खरिद गर्न पाउने सुविधा रहनेछ । यस शोरुममा ‘बेटर कस्टमर एक्सपेरियन्स’ अनुभव गर्नुको साथै छिटो र ‘पर्सनाइल वान टु वान सर्भिस’ प्रदान गरिने जानकारी गराईएको छ । यामाहाको ग्राहकले अझ नजिकबाट यामाहा ब्रान्ड र उपलब्धतालाई महशुस गर्न पाउनुको साथै ‘डिजिटल टेक्नोलोजी’ मार्फत ‘क्यूआर कोड’ स्क्यान गरेर ब्रोसरहरू प्राप्त गर्न सकिनेछ ।

स्थापनाकालदेखि नै ग्राहकहरूको सुविधालाई उच्च प्राथमिकतामा राख्दै आएकोमा ‘ब्लू स्क्वायर’ को उत्कृष्ट प्रविधि र पूर्वाधारहरूले यामाहा ब्रान्डप्रतिको ग्राहकको भरोसा बढ्ने र ग्राहकको सन्तुष्टिमा वृद्धि गर्ने कम्पनीको ठहर छ । साथै, भविष्यमा यामाहाले यस प्रकारका शोरुमहरू नेपालभर सञ्चालनमा लिएर आउने योजना बनाएको छ ।

‘हामी कौशलटार , भक्तपुरमा हाम्रो यामाहा ब्लू स्क्वायर शोरुम खोल्न गर्न पाउँदा अत्यन्तै हर्षित छौँ । यो पनि सबैभन्दा ठूलो र सबै भन्दा सुविधाजनक शोरुममध्ये एक हो । यस शोरुमले बाइक प्रेमीहरूलाई यामाहाको उत्कृष्ट प्रविधि युक्त विभिन्न मोटरसाइकल स्कुटर एसेसरिज र एपेरल्स उपलब्ध गराउने कुरामा हामी विश्वस्त छौँ ।’ यामाहा नेपालका सीईओ राजु क्षेत्रीले बताए ।