‘आँखा पाक्ने’ रोगमा गर्नु हुँदैन यस्तो गल्ती, गुम्न सक्छ ज्योति

एजेन्सी। अहिले विभिन्न भाइरल रोगसँगै ‘आई फ्लू’ जसलाई नेपालीमा आँखा पाक्ने रोग पनि भनिन्छ, फैलिँदो क्रममा छ । केही कुरामा ध्यान नदिँदा यो रोगबाट आँखाको ज्योती नै गुम्ने खतरा पनि हुन्छ ।

साथमा यो संक्रामक रोग भएकाले घरमा कसैलाई यस्तो भएको छ भने अन्य सदस्य सुरक्षित हुन जरुरी छ ।

त्यस्तै, आँखाको समस्या हुँदा कतिपयले मेडिकलबाट कुनै पनि ‘आई ड्रप’ ल्याएर हाल्ने गर्छन् । जसले गर्दा आँखामा झनै समस्या बढ्न पनि सक्छ । यसले आँखाको ज्योतीमा पनि समस्या आउन सक्छ ।

‘आई फ्लू’ बाट बच्ने तरिका

– हातलाई पटक पटक साबुन पानीले धुने ।

– आँखालाई छुने तथा रगड्नबाट बच्ने ।

– दुषित पानीमा स्वीमिंग नगर्ने ।

– बचाउका लागि चश्मा लगाउने ।

ख्याल राख्नैपर्ने कुरा

– डाक्टरको सल्लाहमा मात्र आई ड्रपको प्रयोग गर्नुहोस् ।

– आँखा सफा गर्नका लागि कटन तथा चिसो पानीको प्रयोग गर्नुहोस् ।

– आँखा धुन साबुन तथा अन्य चिजको प्रयोग नगर्नुहोस ।

– आई ड्रप राख्नुअघि साबुनपानीले राम्रोसँग हात धुनुहोस ।

– यदि एउटा आँखा मात्र रातो छ भने दुवै आँखामा ड्रप नराख्नुहोस् ।

– आँखालाई रगड्नबाट बच्नुपर्छ नत्र यसका लक्षण बढ्न सक्छन् ।