सुर्खेत। कर्णाली प्रदेशमा लम्पी स्किन रोगबाट निकै प्रभावित बनेको छ । कर्णालीमा पछिल्लो समय लम्पी स्किन रोगका कारणले १० जिल्ला प्रभावित भएका हुन् ।
गत चैत्र सल्यान र सुर्खेतका केह्री ठाउँमा देखिएको लम्पी स्किन रोग अहिले कर्णालीका १० वटै जिल्लामा फैलिएको छ ।
लम्पी स्किन रोगका कारणले प्रदेश भर संक्रमित पशुको संख्या २ लाख ७ हजार २ सय ७३ रहेको छ । जसमा बाच्छाबाच्छी ४२ हजार ५ सय ६, गाई ४५ हजार १ सय ३०, गोरु १ लाख १६ हजार ४ सय १४ , भैंसी २ हजार ३ सय ९१ र चोरी २ सय ८२ रहेका छन् । तीमध्ये कर्णालीमा लम्पी स्किन रोगबाट संक्रमित एक लाख २५ हजार ९१ पशुचौपायाको उपचार गरिएको छ भने ९ हजार ९ सय १ लाई खोप लगाइएको भूमि, व्यवस्था, कृषि तथा सहकारी मन्त्रालयले जनाएको छ ।
महामारीको रूपमा फैलिएको लम्पी स्किन रोग नियन्त्रण गर्न प्रदेश सरकार गम्भीर रहेको बताउँदै मन्त्रालयका निमित्त सचिज भुजले लम्पी रोग संक्रमित पशुको आधारमा मृत्युदर ३ दशमलव ६८ प्रतिशत रहेको बताए ।
१७ हजार डोज खोप जिल्लामा पुग्यो
मन्त्रालयले रोग रोकथाम तथा नियन्त्रणका लागि ४० लाख रकमान्तर गरी १७ हजार डोज खोप तथा अन्य औषधि खरिद गरी सबै जिल्लामा वितरण गरिएको जनाएको छ । १७ हजार खोप मध्ये हालसम्म ९ सय ९ सय १ डोज खोप लगाइएको र ७ हजार ९९ डोज खोप अझै स्टक रहेको जनाएको छ ।
सात हजारभन्दा बढी पशुचौपाया मरे
यस्तै, लम्पी स्किन रोगबाट प्रदेश भर सात हजार बढी पशुचौपाय मरेका छन् । कर्णालीका १० जिल्ला मध्ये महामारीका रूपमा फैलिएको रोगबाट हालसम्म ७ हजार ६ सय ३२ पशुचौपाय मरेको कर्णाली प्रदेश भूमि व्यवस्था, कृषि तथा सहकारी मन्त्रालयले जनाएको छ ।
मन्त्रालयका अनुसार लम्पी स्किन रोगबाट सबैभन्दा धेरै जाजरकोट प्रभावित देखिएको छ । जाजरकोटमा २ हजार ४ सय ३० पशुचौपाय मरेको मन्त्रालयका निमित्त सचिव राजु भुजले जानकारी दिए । उनका अनुसार जाजरकोटमा बाच्छाबाच्छी ३ सय ६५, गाई ५२५, गोरु १ हजार ४ सय ९५,र भैँसी ४६ मरेका छन् ।
यसैगरी, रुकुममा ४५७ गोरु, र ११ भैँसी गरी ४६८, सल्यानमा ९५ बाच्छाबाच्छी , १९५ गाई , ६३१ गोरु र ९२ भैँसी गरी १ हजार १३, सुर्खेतमा २६१ बाच्छाबाच्छी, २६९ गाई, ४०४ गोरु र ९४ भैंसी गरी १ हजार २८ पशुचौपाया परेका छन् ।
यस्तै, दैलेखमा ११५ बाच्छाबाच्छी, ६४ गाई, २९२ गोरु र ३ भैँसी ३ गरी ४७४, कालिकोटमा बाच्छाबाच्छी ८०, गाई १९७, गोरु २५० र ३ भैँसी गरी ५३०, मुगुमा ५९ बाच्छाबाच्छी , ३६ गाई र २६ गोरु गरी १२१, डोल्पामा १९ बाच्छाबाच्छी, गाई ४०, ४१ गोरु र २ चौँरी गरी १०२ र हुम्लामा २५३ बाच्छाबाच्छी, ५४५ गाई, ६६८ गोरु गरी १ हजार ४ सय ६६ पशुचौपाया मरेका छन् ।
Facebook Comment
Comment