प्रधानमन्त्रीले बोलाए संवैधानिक परिषद् बैठक

नेपालभ्युज

काठमाडौं । प्रधानमन्त्री पुष्पकमल दाहाल प्रचण्डले संवैधानिक परिषदको बैठक बोलाएका छन् । प्रचण्डको सचिवालयका अनुसार बैठक शुक्रबार बिहान ९ बजे सिंहदरबारमा बस्नेछ ।

स्रोतका अनुसार बैठकले प्रधानन्यायाधीश नियुक्ति सिफारिस गर्ने तयारी गरेको छ ।

संवैधानिक परिषदको अध्यक्षमा प्रधानमन्त्री रहने व्यवस्था छ । सदस्यमा विपक्षी दलका नेता केपी शर्मा ओली, सभामुख देवराज घिमिरे, राष्ट्रिय सभा अध्यक्ष गणेश तिमल्सिना र उपसभामुख इन्दिरा राना सदस्य छन् ।

चोलेन्द्रशमशेर जबरा अनिवार्य अवकाशमा गएपछि २७ मंसिर २०७९ देखि प्रधानन्यायाधीश पद रिक्त छ । हाल कायममुकायम प्रधानन्यायाधीश हरिकृष्ण कार्की रहेका छन् ।