SKIP

कालीकोटमा पहिरोले घर बगाउँदा एकै परिवारका पाँच जना बेपत्ता

तिलागुफा नगरपालिका वडा नं. ७ मा एउटा घर पहिरोले बगाउँदा पाँच जना बेपत्ता भएको प्रमुख जिल्ला अधिकारी रामहरी शर्माले जानकारी दिए ।

नेपालभ्युज

कालीकोट । कालीकोटमा पहिरोले घर बगाउँदा एकै परिवारका पाँच जना बेपत्ता भएका छन् । तिलागुफा नगरपालिका वडा नं. ७ मा एउटा घर पहिरोले बगाउँदा पुरिएर पाँच जना हराएको प्रमुख जिल्ला अधिकारी रामहरी शर्माले जानकारी दिए ।

स्थानीय ध्रुवराज विष्टको घर पहिरोले बगाउँदा उनको परिवारका पाँच जना हराएको प्रमुख जिल्ला अधिकारी शर्माले बताए । घटनास्थलमा जाने बाटो पहिरोका कारण बन्द भएकोले प्रहरीसहितको उद्धार टोली अझै त्यहाँ पुग्न सकेको छैन । केही स्थानीयले प्रहरीलाई फोन गरेर ध्रुव विष्टको घर बगाएको र घरसँगै बगेका पाँच जना सम्पर्कविहिन भएको जानकारी दिएका थिए ।