विश्वकपपछि २०२४ को युरोकप पनि खेल्ने रोनाल्डोको इच्छा

नेपालभ्युज

काठमाडौं। पोर्चुगिज फुटबल स्टार क्रिस्टियानो रोनाल्डोले २०२२ को विश्वकपपछि पनि देशका लागि खेलिरहने चाहना रहेको बताएका छन् ।

उनले कतारमा यसै वर्ष हुने विश्वकपपछि आफ्नो लक्ष्य २०२४ को युरोकप पनि खेल्ने रहेको बताएका हुन् ।

‘यो यात्रा लामो भइसकेको छ, तर मेरो बाटो अझै सकिएको छैन, भन्ने अवसरको सदुपयोग गर्न चाहन्छु । म उत्प्रेरित महसुस गर्छु, मेरो महत्वाकांक्षा उच्च छ । म धेरै युवा खेलाडीहरूसँग छनोटमा छु र म यो विश्वकप र २०२४ को युरोपेली प्रतियोगिताको पनि हिस्सा बन्न चाहन्छु,’रोनाल्डोले भने ।

३७ वर्षीय लेजेन्ड फरवार्डका लागि कतारमा नोभेम्बर-डिसेम्बरमा हुने विश्वकप नै अन्तिम अन्तर्राष्ट्रिय प्रतियोगिता हुन सक्ने चर्चा चलिरहेका बेला उनको यो भनाइ आएको हो ।