निलम्बित प्रधानन्यायाधीश जबराको तेस्रो दिनको बयान आज सुरु हुँदै

काठमाडौं। महाअभियोग लागेपछि प्रधानन्यायाधीश पदबाट निलम्बनमा परेका चोलेन्द्रशम्शेर जबरासँग महाअभियोग सिफारिस समितिले आज आइतबार पनि बयान लिँदैछ । विहीबार दोस्रो दिनको बयान लिएर समितिको बैठक आइतबारसम्मको लागि स्थगित भएको छ । आइतबार ११ बजे बैठक सुरु हुनेछ । बुधवार चार वटा प्रश्नको जवाफ दिएका राणाले बिहीबार दुई वटा प्रश्नको जवाफ दिएका थिए ।

निलम्बित प्रधानन्यायाधीश जबरासँग बयान लिन समितिले ४३ वटा प्रश्न तयार गरेको छ । बयानको पहिलो दिन हिजो ४३ प्रश्नमध्ये चार प्रश्नमा मात्रै छलफल भएको थियो । २ बयानका क्रममा उनले राजनीतिक दल, बहालवाला न्यायाधीश, पूर्वप्रधानन्यायाधीश र नेपाल बारका पदाधिकारीले प्रतिशोध साँधेको आरोप लगाएका थिए ।

सात महिनादेखि निलम्बनको अवस्थामा रहेका उहाँमाथि महाअभियोग प्रमाणित हुने वा नहुने विषयले तीन महिनामै निष्कर्ष आउनुपर्ने भए पनि लामो समयपछि समितिमा छलफल भएको हो ।