चार दिनदेखि हराइरहेकी बालिकाको शव मकैबारीमा भेटियो

सुर्खेतमा चार दिनदेखि हराइरहेकी एक बालिकाको शव मकैबारीमा फेला परेको छ।

नेपालभ्युज

काठमाडौं। सुर्खेतमा चार दिनदेखि हराइरहेकी एक बालिकाको शव मकैबारीमा फेला परेको छ। सुर्खेत गुर्भाकोट नगरपालिका ५ की सात वर्षीया गृष्मा विकको शव मकैबारीमा भेटिएको प्रहरीले जनाएको छ।

शुक्रबारदेखि हराएकी गृष्माको शव मंगलबार बिहान घरदेखि पाँच सय मिटर तल मकैबारीमा भेटिएको हो।

हत्या आरोपमा स्थानीय २० वर्षीया घनश्याम विकलाई अनुसन्धानका लागि नियन्त्रणमा लिइएको हो। गृष्मा आफ्नी हजुरआमासँग बस्दै आएकी थिइन्।