काठमाडौं । नेपाली कांग्रेसका प्रवक्ता डा. प्रकाशशरण महतले सरकारले सत्ताकाे दुरुपयाेग गरिरहेकाे बताएका छन् ।
सानेपा बैठकपछि पत्रकारहरूसँग कुरा गर्दै प्रवक्ता महतले सरकार निरंकुशतान्मुख भइरहेकोप्रति कांग्रेसको गम्भीर ध्यानाकर्षण भएको बताएका हुन् ।
उनले आफूहरू सदनसँगै सडक संघर्षमा ओर्लेने निर्णय गरेकाे पनि जानकारी दिए । उनले सहकारीमा अर्बौं रकम दुरुपयोग भएको विषयमा छानबिनका लागि सरकार तयार नभएपछि आफूहरुले सडक प्रदर्शनमा आउने निर्णय गरेको बताए । उनले सडक प्रदर्शनको तयारी जिल्ला जिल्लामा हुने बताए ।
उनले संसदीय छानबिन समिति गठन गरी सहकारीको रकम अपचलन बारे निरुपण हुनुपर्ने कांग्रेसकाे माग रहेकाे समेत बताए ।
उनले भने, ‘सत्ता दुरुपयोगलाई लिएर संसदमा कुरा उठाइरहेका छौँ । संसदीय मर्यादाको खिलाफमा सरकार प्रस्तुत भएको छ । सभामुखले संसदको गरिमा पालना गर्न सक्नुभएको छैन । सरकार निरंकुशतान्मुख भइरहेको छ यसप्रति गम्भीर ध्यानाकर्षण भएको । ‘
कुराकानीका क्रममा प्रवक्ता महतले कान्तिपुरका अध्यक्ष कैलाश सिराेहियाकाे पक्राउ प्रतिशोधको भावनाले भएको भन्दै सरकारको यस कदम घोर निन्दनीय रहेकाे बताए । मिडियालाई विस्तारै नियन्त्रणमा लिने र त्रासमा राख्ने काम भइरहेको उनको भनाई थियो ।
Facebook Comment
Comment