अध्यागमन अधिकृत खड्कासहित ४ जनालाई थुनामा पठाउन आदेश

नेपालभ्युज

काठमाडौं । फर्जी कागजात बनाएर भिजिट भिसामा विदेश पठाएको आरोपमा पक्राउ परेका अध्यागमन अधिकृत नरवीर खड्कासहित ४ जनालाई काठमाडौँ जिल्ला अदालतले थुनामा पठाउन आदेश दिएको छ ।

अदालतका न्यायाधीश कपिलमणि गौतमले मंगलबार थुनछेक बहसपछि उनिहरुलाई थुनामा पठाउन आदेश दिएका हुन् ।

अदालतको यो आदेशसँगै अधिकृत खड्का, मनोज तामाङ लामा, सरोज कुमार यादव र अरुण दाहाललाई थुनामा जाने भएका छन् । लामा र यादव ट्राभल सञ्चालक हुन् भने बिचौलिया ।

यस्तै अदालतले गिरोहमा संलग्न गीता शाहसँग ५ लाख, पदम लामासँग १ लाख, विनोद कार्कीसँग २ लाख, राम प्रसाद भण्डारीसँग ७ लाख, रविन अर्यालसँग १ लाख र दिनेश ज्ञवालीसँग ७ लाख धरौटी माग गरेको छ । उनिहरु भने धरौटीमा रिहा हुने भएका छन् ।