काठमाडौं। माण्डु हाइड्रोपावर लिमिटेडले आजदेखि सर्वसाधारणका लागि आईपीओ बिक्री खुला गरेको छ । कम्पनीले निष्कासन गरेको आईपीओमा सर्वसाधारणले आज बैंकिङ समयपश्चात् आवेदन दिन सक्नेछन ।
कम्पनीले आफ्नो जारी पुँजी १ अर्ब ३६ करोड ३६ लाख ३७ हजारमा एक लाख ३६ हजार ३६४ कित्ता वैदेशिक रोजगारीमा रहेका नेपालीहरूलाई बाँडफाँट गरिसकेको छ । त्यसैगरी, २ लाख ७२ हजार ७ सय ३० कित्ता सेयर आयोजना प्रभावित क्षेत्रका बासिन्दाहरूलाई बिक्री गरी बाँडफाँड गरिसकेको छ ।
त्यसैगरी, कम्पनीले २८ हजार ८५३ कित्ता कम्पनीका कर्मचारीहरूका लागि र ७२ हजार १३३ कित्ता सामूहिक लगानी कोषहरूमा समेत बाँडफाँट गरी १२ लाख ५ हजार ३२० कित्ता आईपीओ सर्वसाधारणका लागि निष्कासन गरेको हो । सर्वसाधारणले न्यूनतम १० कित्तादेखि अधिकतम ५० हजार कित्तासम्म आवेदन दिन पाउनेछन् ।
आईपीओ बिक्री अवधि भदौ १३ गतेसम्मका लागि तोकिएको छ । यदि, तोकिएको अवधिभित्र मागबमोजिम आवेदन नपरेमा भदौ २४ गतेसम्म बिक्री लम्बिने कम्पनीले जनाएको छ ।
Facebook Comment
Comment