एजेन्सी । पाकिस्तानको विदेश मन्त्रालयले भारतमा हुने विश्वकपका लागि टोली पठाउने पुष्टि गरेको छ ।
मन्त्रालयले एक विज्ञप्ति जारी गर्दै भनेको छ कि – पाकिस्तानले भारतसँगको द्विपक्षीय सम्बन्धको अवस्था आफ्नो अन्तर्राष्ट्रिय खेलकुद सम्बन्धी दायित्वहरू पूरा गर्ने बाटोमा आउनु हुँदैन भन्ने विश्वास गर्दछ।
तर, विदेश मन्त्रालयले पनि टोलीको सुरक्षामाव भने चासो व्यक्त गरेको छ ।
विदेश मन्त्रालयले भनेको छ, “पाकिस्तान आफ्नो क्रिकेट टोलीको सुरक्षालाई लिएर गहिरो चिन्तित छ। हामीले यी चिन्ताहरू अन्तर्राष्ट्रिय क्रिकेट काउन्सिल र भारतीय अधिकारीहरूलाई पठाइरहेका छौं। भारत भ्रमणका क्रममा पाकिस्तानी क्रिकेट टोलीको पूर्ण सुरक्षा सुनिश्चित हुन जरुरी छ ।”
एकदिवसीय क्रिकेट विश्वकप अक्टोबर ५ बाट भारतमा सुरु हुँदैछ र फाइनल खेल नोभेम्बर १९ मा अहमदाबादको नरेन्द्र मोदी स्टेडियममा हुनेछ ।
प्रतियोगितामा कुल १० टोलीको सहभागिता रहनेछ । ४६ दिने प्रतियोगितामा १० सहरमा खेल हुनेछन् ।
Facebook Comment
Comment