नेप्से परिसूचक आज पनि दोहोरो अंकले घट्यो

काठमाडौं। साताको पहिलो कारोबारको दिन आइतबार ५३.७० अंक घटेको नेप्से परिसूचक सोमबार पनि दोहोरो अंकले घटेको छ ।

साताको दोस्रो कारोबार दिन परिसूचक २१.३२ अंक घटेर २०७५.९७ बिन्दुमा झरेको छ । योसँगै पछिल्लो एक सात उच्च अंकले वृद्धि भएर २१ सय बिन्दु माथि पुगेको नेप्से पुनः २ हजार बिन्दुमा झरेको छ ।

त्यस्तै,सेन्सेटिभ इन्डेक्सक्स ४.१७ अंकले घटेको छ भने फ्लोट इन्डेक्स १.५५ अंक र सेन्सेटिभ फ्लोट इन्डेक्स १.२९ अंकले घटेको छ। सोमबार कारोबारमा आएको २७६ कम्पनीको ९४ लाख १८ हजार कित्ता सेयर ४ अर्ब ५ करोड १० लाख ७८ हजार रुपैयाँ बराबरको खरिद बिक्री भएको छ ।

आइतबारको तुलनामा सोमबार कारोबार रकम पनि कम भएको छ । नेप्सेका १३ उपसमूहमध्ये दुई उपसमूहको परिसूचक बढेको छ भने ११ उपसमूहको परिसूचक घटेको छ ।

जसमा होटल तथा पर्यटन उपसमूहको परिसूचक २.०७ प्रतिशत बढेको भने बैंकिङ, जीवन बिमा, उत्पादन तथा प्रशोधन, लघुवित्त,जलविद्युत र अन्य उपसमूहको परिसूचक १ प्रतिशतभन्दा बढीले गिरावट आएको छ।

नेप्से घटे पनि सिवाईसी लघुवित्त वित्तीय संस्था, बीपीडब्लु लघुवित्त वित्तीय संस्था र सिटी होटलको सेयरमा सकारात्मक सर्किट लागेको थियो । हिमालयन लाइफ इन्स्योरेन्स कम्पनीको २३ करोड ९४ लाख रुपैयाँ बराबरको सेयर कारोबार भएको छ।