नेप्सेमा सामान्य गिरावट, कारोबार रकम पनि घट्यो

नेपालभ्युज

काठमाडौं। नेपाल सेयर बजार परिसूचक (नेप्से) मा मंगलबार पनि गिरावट आएको छ। आज ४.२७ अंकले घटेपछि परिसूचक १८६६ अंकमा आइपुगेको छ ।

मंगलबार ६९ करोड २२ लाख रुपैयाँ बराबरको २३ लाख ३६ हजार कित्ता सेयर किनबेच भएको छ । सेयर बजार घटे पनि ६८ वटा कम्पनीको सेयर मूल्य भने बढेको छ । यस्तै, ४४ कम्पनीको सेयर मूल्य घट्दा ७ वटाको मूल्य भने स्थिर छ ।

आज कारोबार भएका १३ समूहमध्ये ७ समूह भने बढेका छन्, बाँकी समूहमा गिरावट आएको छ । आज विकास बैंक, वित्त, होटल र टुरिजम, जीवन बीमा, उत्पादनमूलक, म्यूचुअल फण्ड र अन्य समूह बढेका हुन् ।