आयोगले सोध्यो- प्रधानमन्त्री देउवालगायत गठबन्धनका नेताले चढेको हेलिकप्टरको खर्च कसले व्यहोर्छ ?

काठमाडौं। निर्वाचन आयोगले प्रधानमन्त्री शेरबहादुर देउवालगायत सरकारका मन्त्री र गठबन्धनमा रहेका नेताहरूले चुनावी भेलामा जान सैनिक हेलिकप्टर प्रयोग गरेपछि त्यसबारे ध्यानाकर्षण भएको जनाएको छ ।

निर्वाचन प्रचारसँग सम्बन्धित गतिविधि गर्दा सत्तारुढ गठबन्धनका नेताहरूले हेलिकप्टर प्रयोग भएको भन्ने सूचना आएकाले त्यसको खर्च कसले व्यहोर्ने भन्ने कुरा जानकारी गराउन पनि आयोगले भनेको छ।

एक विज्ञप्ति जारी गर्दै आयोगले प्रधानमन्त्री, विभिन्न राजनीतिक दलका शीर्ष नेताहरूले हेलिकप्टर प्रयोग गरिहरेको उजुरी आएका भन्दै त्यसमा लागेको खर्च सरकारी कोषबाट हुन्छ वा मन्त्री तथा अन्य पदाधिकारीबाट व्यहोर्ने गरी भएको हो सो बारे जानकारी गराउन भनेको छ ।

प्रचार प्रसारमा सरकारी स्रोत साधन प्रयोग गर्नु निर्वाचन आचारसंहिताविपरीत भएको उल्लेख गर्दै आयोगले त्यस्तो भए नभएको अनुसन्धान गर्न अख्तियार दुरुपयोग अनुसन्धान आयोगलाई आग्रह गर्ने निर्णय पनि गरेको छ ।