खरबारीमा आमा-छोराको शव भेटिएपछि बाबु पक्राउ

नेपालभ्युज

काठमाडौं । प्युठानको नौबहिनी गाउँपालिका- ३ मा आमा र छोरा खरबारीमा मृत फेला परेका छन्। २२ वर्षीया रिमा बुढा र उनका ३ वर्षीय छोरा मुस्कान घरनजिकै खरबारीको पाखोमा मृत अवस्थामा फेला परेका हुन्।

शुक्रबार राति आमा रिमा र शनिबार दिउँसो छोरा मुस्कानको शव फेला परेको प्रहरीले जनाएको छ । प्रहरीका अनुसार कात्तिक २७ देखि हराइरहेका उनीहरूको बारेमा माइतीपक्षले शुक्रबार मात्रै प्रहरीमा सूचना दिएको थियो । रिमाका श्रीमान कमल बुढा मगरले भने घरमै भएर पनि प्रहरीमा कुनै सूचना दिएका थिएनन् ।

माइती पक्षबाट खबर पाएकै दिन दिउँसोदेखि बेपत्ता आमाछोराको खोजीमा लागेको प्रहरीले खरबारीको काल्नोमा उनिहरुको शव फेला पारेको हो । सोही घटना अनुसन्धान गर्न रिमाका २३ वर्षीय श्रीमान कमललाई शनिबार दिउँसो प्रहरीले नियन्त्रणमा लिएको जनाएको छ।