एजेन्सी। बलिउड सुपरस्टार शाहरुख खानको फिल्म ‘जवान’ ले तीन दिनमा विश्वभर तीन अर्ब ८४ करोड ६९ लाख भारतीय रुपैयाँ कमाएको छ ।
तमिल फिल्मका चर्चित नाम एट्लीले यस फिल्मलाई निर्देशन गरेका हुन् । यो बिहीबार भारतभर एकैसाथ हिन्दी, तमिल र तेलुगुमा रिलिज भएको थियो। यो फिल्म विश्वका धेरै देशमा पनि रिलिज भएको छ ।
यस फिल्ममा नयनता र विजय सेतुपतिसँगै दीपिका पादुकोण विशेष भूमिकामा छिन् ।फिल्म ‘जवान’ को प्रोडक्सन हाउस रेड चिलीज इन्टरटेनमेन्टले विश्वभरको बक्स अफिस कलेक्शनको कुल आंकडा सोसल मिडिया प्लेटफर्म एक्समा सेयर गरेको छ ।
यस अनुसार पहिलो दिन फिल्मले सबै भाषामा जम्मा १ सय ४४.२२ करोड कमाएको थियो, जसमध्ये ६८.७२ करोड रुपैयाँ हिन्दी रिलिजबाट आएको थियो। यो कुनै पनि चलचित्रको पहिलो दिनकै उच्च कमाई भएको दाबी गरिएको छ ।
फिल्म ट्रेड एनालिस्ट तरण आदर्शका अनुसार फिल्म जवानको हिन्दी संस्करणले तीन दिनमा कुल १ सय ८०.४५ करोड कमाएको छ । उनले एक्समा लेखेका छन्, फिल्म जवान तीन दिनमा सबैभन्दा धेरै कमाउने हिन्दी फिल्म बनेको छ ।
Facebook Comment
Comment