डोल्पामा भेटियो नयाँ ताल, तिलिचोभन्दा पनि अग्लो स्थानमा रहेको दाबी

नेपालभ्युज

काठमाडौं। डोल्पाका जनप्रतिनिधिहरूले मनाङको तिलिचो तालभन्दा पनि अग्लो स्थानमा अर्को नयाँ ताल फेला परेको दाबी गरेका छन् । डोल्पाको डोल्पोबुद्ध गाउँपालिका वडा नम्बर ६ फालगाउँमा तिलिचो ताल रहेको उचाइभन्दा पनि अग्लो स्थानमा नयाँ ताल फेला पारेको सो पालिकाका जनप्रतिनिधिहरूले दाबी गरेका हुन् ।

सबैभन्दा उचाइमा रहेको तिलिचो ताल समुद्र सतहदेखि ४ हजार ९१९ मिटर उचाइमा छ । यो रेकर्ड हालसम्म तिलिचोकै नाममा छ । तर, डोल्पाको फालगाउँमा भेटिएको ताल समुद्र सतहदेखि ५ हजार १९० मिटर उचाइमा रहेको डोल्पोबुद्ध गाउँपालिका वडा नम्बर ६ का वडाअध्यक्ष नुर्बु डम्डुल गुरुङले दाबी गरे ।

आफूहरूसँग भएको जीपीएसबाट ताल रहेको स्थानको उचाइ ५ हजार १९० मिटर मापन गरेको वडाध्यक्ष गुरुङले बताए । उनका अनुसार यो ताल नेपाल-चीनको १५ नम्बर सीमा स्तम्भबाट नजिक पर्दछ ।