आईएमई पेले गर्‍यो साउन महिनामा नारीलक्षित ‘प्रीति उत्सव’ अफर सार्वजनिक

नेपालभ्युज

काठमाडौं। आईएमई पेले साउन महिनामा नारीहरूलाई लक्षित गर्दै ‘प्रीति उत्सव’ नामक अफर सार्वजनिक गरेको छ । सो अफर यही साउन महिनाको दोस्रो सोमबार अर्थात् साउन ८ देखि ३२ गतेसम्म चल्नेछ ।

यस अफरमा जित्ने प्रत्येक विजेतालाई प्रीति क्लिकको पाँच हजार रुपैयाँको भौचर प्रदान गरिनेछ । सो अफरमा भाग लिन सेवाग्राहीले अफर अन्तराल भरी कम्तीमा एकपटक आईएमई पेमार्फत क्यूआर स्क्यान गरी भुक्तानी गर्नुपर्ने छ ।

अफर अन्तरालभरि प्रत्येक पाँच दिनपश्चात् गोलाप्रथामार्फत दुईजना विजेता छनोट गरिनेछ । विजेताहरूको नाम सामाजिक सञ्जालमार्फत घोषित हुनेछ । सेवाग्राहीले जुनसुकै क्यूआरमार्फत भुक्तानी गर्न सक्नेछन् ।

विजेताहरूले प्रीति क्लिकमा गएर सो भौचरको प्रयोग गर्न सक्नेछन् । यो अफर आईएमई पेको महिला सेवाग्राहीहरूका लागि मात्र मान्य रहेको छ।