जनकपुरधाम । रेशम चौधरी संरक्षक रहेको नागरिक उन्मुक्ति पार्टी र नेपाल सदभावना पार्टीबीच एकीकरण गर्ने सहमति भएको छ ।
नागरिक उन्मुक्ति पार्टीका नेता रेशम चौधरी र सद्भावना पार्टीका अध्यक्ष रामकुमार महतोले संयुक्त रुपमा आइतबार प्रेस विज्ञप्ती जारी गर्दै सहमतिबारे बताएका हुन् ।
जनकपुरधाममा आइतवार आयोजित एक कार्यक्रमलाई सम्बोधन गर्दै नागरिक उन्मुक्ति पार्टीका संरक्षक रेशम लाल चौधरीले मधेसवादी दलले आफूसँग धोखाधडी गरेको आरोप लगाए ।
नेता चौधरीले जेलमा बस्दा यहाँका मधेशवादी दलले आफूलाई स्वीकार गर्न नमानेको तर चुनावमा आफ्नो नाम भजाउने काम मात्र गरेको आरोप लगाए । आफनो रिहाई र मुक्तीको विषयमा उनीहरुले भाषण मात्र गरेको र व्यवहारमा कुनै पनि काम कडाईका साथ गर्न नसकेको उनको तर्क छ ।
उनले नेपाल सदभावना पार्टीसँग मात्र नभई अरु दुई/चारवटा दलहरु सम्पर्कमा रहेको र उनीहरुसँग पनि एकीकरण गरी आगामी निर्वाचनमा मधेसमा नागरिक उन्मुक्ति पार्टीले सरकार बनाउने जिकिर गरे ।
कार्यक्रममा नेपाल सद्भावना पार्टीका अध्यक्ष रामकुमार महतोले मधेस क्रान्तिको योद्धा रहेका नेता चौधरी पक्राउ परेपनि मधेसवादी दलले उनको रिहाई र न्यायका लागि नाटक गरेर चुनावमा नाम भजाउने काम मात्र गरेको आरोप लगाए ।
Facebook Comment
Comment