एजेन्सी । तरभुजाले शरीरमा शीतलता बनाइराख्ने काम गर्छ । साथै यसले डिहाइड्रेशनबाट पनि बचाउँछ । तर तपाईंलाई थाहा छ ? तरभुजाको बोक्रा पनि हाम्रो लागि एकदमै फाइदाजनक हुन्छ भनेर ।
सामान्यतयाः तरभुजाको रातो भाग मात्र खाएर अरु हामी फाल्ने गर्छौं । तर त्यो बचेको भाग पनि हाम्रो शरीरका लागि फाइदाजनक हुन्छ ।
तरभुजाको बोक्रामा पाइने भिटामिन सीले हाम्रो इम्यून सिस्टमलाई बलियो बनाउने काम गर्छ । साथै यसको बोक्राको सेवन गरेमा रक्तचाप पनि नियन्त्रणमा आउँछ ।
तरभुजाको बोक्रामा फाइबर पाइन्छ, जसले पेटसँग जोडिएका समस्या जस्तै कब्जियत, अपच आदिबाट पनि राहत दिन्छ । ब्लड सुगर तथा कोलेस्ट्रोलको स्तरलाई नियन्त्रित गर्नका लागि पनि तरबुजाको बोक्रालाई प्रयोग गर्न सकिन्छ ।
तौल कम गर्नका लागि पनि तरभुजाको बोक्रा एकदमै फाइदाजनक हुन्छ । सामान्यतयाः बोक्रा खाँदा यसको शुरुको हरियो भागलाई एकदमै पातलो गरेर ताछेर फाल्ने र भित्रको सेतो भाग खान सकिन्छ ।
Facebook Comment
Comment