७ वटै प्रदेशसभाका समानुपातिक सांसद चिन्नुहोस्

काठमाडौं । निर्वाचन आयोगले समानुपातिकतर्फका उम्मेदवारलाई निर्वाचित भएको घोषणा गरेको छ । आयोगले प्रतिनिधिसभाको ११० सिटका साथै सात वटै प्रदेशका समानुपातिकतर्फका सांसद निर्वाचित भएको घोषणा गरेको हो ।

मंसिर ४ मा सम्पन्न निर्वाचनबाट ७ वटा राजनीतिक दलले राष्ट्रिय दलको मान्यता प्राप्त गरेको आयोगले बुधबार मतपरिणाममार्फत् सार्वजनिक गरेको छ ।

प्रतिनिधिसभाको समानुपातिक निर्वाचन प्रणालीतर्फ कम्तीमा ३ प्रतिशत मत र पहिलो हुने निर्वाचित हुने निर्वाचन प्रणालीतर्फ १ सिट प्राप्त गर्ने दलले मात्र राष्ट्रिय दलको मान्यता पाउने   प्रावधान रहेको छ ।

​राजनीतिक दलसम्बन्धी ऐन, २०७३ को दफा ५२ मा थ्रेस होल्डसम्बन्धी व्यवस्था भएअनुसार ७ दलको प्रतिनिधिसभामा समानुपातिक प्रतिनिधित्व रहेको हो । यस्तै प्रदेशसभा सदस्य निर्वाचन ऐन, २०७४ को दफा ६० मा प्रदेशसभामा समानुपातिक निर्वाचन प्रणालीतर्फको कुल सदर मतको १ दशमलव ५ प्रतिशत वा सोभन्दा बढी मत प्राप्त गर्ने दलको तर्फबाट मात्र उम्मेदवार निर्वाचित हुने व्यवस्था छ ।

आयोगका अनुसार प्रदेश नं. १ मा ६, मधेस प्रदेशमा १०, बागमती प्रदेशमा ७, गण्डकी प्रदेशमा ७, लुम्बिनी प्रदेशमा १०, कर्णाली प्रदेशमा ६ र सुदूरपश्चिम प्रदेशमा ६ वटा राजनीतिक दलको समानुपातिक निर्वाचन प्रणालीतर्फ प्रदेश सभामा प्रतिनिधित्व भएको छ ।

प्रदेश सभातर्फका समानुपातिक सांसदको सूची तलको लिंक क्लिक गरेर हेर्नु्होस्

1. समानुपातिक निर्वाचन प्रणाली तर्फको प्रदेश नं. १  प्रदेश सभामा निर्वाचित सदस्यहरुको विवरण
2. समानुपातिक निर्वाचन प्रणाली तर्फको मधेश प्रदेश सभामा निर्वाचित सदस्यहरुको विवरण
3. समानुपातिक निर्वाचन प्रणाली तर्फको बागमती प्रदेश सभामा निर्वाचित सदस्यहरुको विवरण
4. समानुपातिक निर्वाचन प्रणाली तर्फको गण्डकी प्रदेश सभामा निर्वाचित सदस्यहरुको विवरण 
5. समानुपातिक निर्वाचन प्रणाली तर्फको लुम्बिनी प्रदेश सभामा निर्वाचित सदस्यहरुको विवरण
6. समानुपातिक निर्वाचन प्रणाली तर्फको कर्णाली प्रदेश सभामा निर्वाचित सदस्यहरुको विवरण
7. समानुपातिक निर्वाचन प्रणाली तर्फको सुदुरपश्चिम प्रदेश सभामा निर्वाचित सदस्यहरुको विवरण