प्रचण्डले मंगलबार कर्णालीका चुनावी सभालाई सम्बोधन गर्ने

सुर्खेत। माओवादी केन्द्रका अध्यक्ष पुष्पकमल दाहाल (प्रचण्ड) ले कर्णालीका तीन जिल्लाका चुनावी सभालाई भोली (मंगलबार) सम्बोधन गर्ने भएका छन् । कालिकोट, जुम्ला र हुम्लामा आयोजना हुने सत्तारुढ गठबन्धन दलले आयोजना गर्ने चुनावी सभालाई सम्बोधन गर्ने भएका हुन् ।

माओवादी केन्द्रका अध्यक्ष प्रचण्ड मंगलबार बिहान ९ बजे सुर्खेत आउने, सुर्खेतबाट ९ः५० बजे जुम्ला, जुम्लाबाट हुम्लाको सर्केगाडमा ११ः१० मा जाने तालिका रहेको माओवादी केन्द्रका नेता मनऋषि धितालले बताए ।

यसैगरी, सर्केघाटबाट हुम्लाको सदरमुकाम सिमीकोट हुँदै दिउँसो १ः३० मा कालिकोटमा मान्ममा हुने चुनावी सभालाई सम्बोधन गर्ने कार्यक्रम रहेको माओवादी केन्द्रले जनाएको छ ।

प्रचण्डका साथमा नेपाली कांग्रेसका उपसभापति पूर्णबहादुर खड्का लगायतका नेताहरूले चुनावी सभालाई सम्बोधन गर्ने कार्यक्रम रहेको गठबन्धन दलका नेताहरूले बताएका छन् ।