काठमाडौं । निलम्बित प्रधानन्यायाधीश चोलेन्द्र शमशेर जबरा प्रकरणमा महाअभियोग सिफारिस समितिले प्रतिवेदनबारे शनिवार बस्ने बैठकले निर्णय गर्ने भएको छ । शुक्रवार सिंहदरबारमा बसेको समितिको बैठकपछि प्रवक्ता लक्ष्मीप्रसाद गौतमले प्रतिवेदनको सम्बन्धमा शनिवार बस्ने बैठकले निर्णय गर्ने जानकारी दिए ।
उनले प्रधानन्यायाधीश चोलेन्द्र शमशेर जबराको बयानलाई लिपिबद्ध गर्ने काम आधा सकिएको भन्दै भोलिनै त्यसलाई पनि अन्तिम रुप दिइने संचारकमर्मीहरुसँगको कुराकानीमा बताए ।
गौतमले प्रधानन्यायाधीश जबराको सम्पत्ति विवरण समितिलाई प्राप्त भएको र उनको सम्पत्ति विवरणको सम्बन्धमा प्रतिवेदन लेखनका क्रममा छलफल हुने बताए ।
संसद् आगामी असोज १ गते राति १२ बजे सकिने भएकाले समितिले शनिबार नै संसद्मा प्रतिवेदन बुझाउने तयारी गरेको छ ।
जबराविरुद्ध गत फागुन १ गते प्रतिनिधिसभाका ९८ सांसदले महाभियोग प्रस्ताव दर्ता गर्नुभएको थियोे ।
Facebook Comment
Comment