तिहार डाक्दै सयपत्री (तस्वीरहरू)

काठमाडौं । नेपाली हिन्दूहरूको दोस्रो ठूलो चाड तिहार अर्थात् यम पञ्चक आजदेखि सुरु भएको छ । फूल र बत्तीहरूको पर्व भनेर चिनिने तिहारमा सयपत्री र मखमली फूलको प्रयोग बढी मात्रामा हुने गरेको छ ।

विशेषगरी लक्ष्मी पूजालाई घर, पसल, कार्यालय आदि सिँगार्न सयपत्री फूलको माला बढी प्रयोग हुने गरेको छ ।

आदिम कालमा मेक्सिको तथा मध्य अमेरिकाको यो जङ्गली फूल बिस्तार मानव बस्तीमा प्रवेश गरेको थियो । अहिले यो फूल नेपालमा तिहारका बेला विशेषरूपमा प्रयोग हुन्छ । पारिलो पाखो जमिनमा ढकमक्क फुल्ने सयपत्री टिप्न अहिले किसानहरू व्यस्त हुन थालेका छन् ।

गोकर्णेश्वरको सुन्ताखानमा सुनौलो पाइला नामक अनाथ आश्रमले सयपत्री फूलको खेती गरेको छ । संस्थाकी अध्यक्ष रोजिना विष्टका अनुसार फूल बिक्रीबाट आउने रकम त्यही अनाथ आश्रममा आश्रित बालबालिकाको खर्चमा प्रयोग हुँदै आएको छ ।

तस्वीरहरु-