गुल्मी । गुल्मीमा सम्बन्ध बिच्छेद गर्न गएकी श्रीमतीलाई श्रीमानले निर्घात कुटेका छन् ।
सोमबार दिउँसो गुल्मी जिल्ला अदालतमा छत्रकोट गाउँपालिका–०३ का हर्दिनेटाका दीपक श्रेष्ठले श्रीमती मनसुवा श्रेष्ठलाई निर्घात कुटपिट गरेका हुन् ।
दुवै जना सम्बन्ध विच्छेदको मुद्दाको पेशीको लागि जिल्ला अदालत आएका थिए ।
न्यायाधीशले आज आदेश वा फैसला गर्ने कार्यतालिका थियो । तर, न्यायाधिशकहाँ जान नपाउँदै सिँढीमा श्रीमतीलाई निर्घात कुटपिट गरेको अदालतका सूचना अधिकारी कमल पन्थीले बताए ।
कुटपिटबाट गम्भीर घाइते भएकी मनसुवालाई उपचारका लागि अस्पताल भर्ना गरिएको छ । श्रीमती पिट्ने श्रीमान् दीपक प्रहरीको नियन्त्रणमा छन् ।
उनीहरुबीच ६ वर्ष पहिले विवाह भएको थियो । सम्बन्ध बिग्रिएपछि मनसुवा एक वर्षदेखि माइतीमै बस्दै आएकी थिइन् । उनीहरूको गत फागुन १३ गते अदालतमा सम्बन्ध विच्छेदको मुद्दा दर्ता भएको थियो ।
Facebook Comment
Comment