मंगोलियामा जाडोका कारण ३९ लाखभन्दा बढी चौपायाको मृत्यु

काठमाडौं । मंगोलियामा यो वर्षको अत्यधिक चिसो हिउँदे मौसमका कारण मृत्यु हुने गाईवस्तुहरूको सङ्ख्या ३९ लाख २५ हजार ७३४ पुगेको राष्ट्रिय विपत् आयोग (एसईसी)ले सोमबार जनाएको छ ।

मंगोलियाका २१ प्रान्तहरूमध्ये पूर्वी सुखबातरमा स्थानीय भाषामा ‘जुड’ भनिने कडा चिसोबाट सबैभन्दा बढी प्रभावित भएको छ । यहाँ ११ लाखभन्दा बढी गाईवस्तुहरू मरेको एसईसीले जनाएको छ ।

चिसोका कारण हिउ पर्ने र जमिन जमेको हिउँले ढाकिएको कारण ठूलो सङ्ख्यामा प्राणीहरू मर्छन् ।

मंगोलियाको मौसम अनुगमन निकायका अनुसार मंगोलियाले यस वर्षको जाडोमा सामान्यभन्दा धेरै हिम वर्षा र जाडोको सामना गरेको छ । मंगोलियाको लगभग ८० प्रतिशत क्षेत्र हिउँले ढाकिएको छ ।

जीवित घुमन्तेहरूको देश मङ्गोलियाले कठोर जाडोले ठुलो पशुधनको क्षतिको कारण यसको प्रकोप तयारीलाई उच्च बनाएको छ ।

पशुपालनको प्रर्वद्धनलाई जमिनले घेरिएको देशको खानीमा निर्भर अर्थतन्त्रलाई विविधीकरण गर्ने सबैभन्दा व्यावहारिक तरिकाको रूपमा हेरिन्छ ।

सन् २०२३ को अन्त्यमा मंगोलियामा पशुधनको सङ्ख्या छ करोड ४७ लाख रहेको राष्ट्रिय तथ्याङ्क कार्यालयले जनाएको छ । –सिन्ह्वा