एजेन्सी । बलिउडमा केही शाकाहारी अभिनेत्री छन् जसले समयसँगै मांसहार छाडेका हुन् । शाकाहारी भएपछि उनीहरुले आफूलाई अझै स्वस्थ भएको बताएका छन् । जानौं ती शाकाहारी अभिनेत्री बारे :
ज्याक्लिन फर्नानडिज
ज्याक्लिन फर्नानडिजले सन् २०१३ पछि मासु खान छोडेकी छन् । उनले विभिन्न अन्तरवार्ताका क्रममा आफू शाकाहारी भएको र यो भन्दा राम्रो अनुभूति केही नभएको समेत बताएकी छन् ।
अनुष्का शर्मा
अनुष्का शर्मालाई जनावरहरुसँग एकदमै लगाव छ । जसले गर्दा उनले आफूलाई शाकाहारी बनाएकी छन् । अनुष्काले पेटा नामक संस्थासँग मिलेर पशुहरुका लागि पनि काम गर्दछिन् ।
सोनम कपूर
सोनम कपूर सुरुमा शाकाहारी थिइनन् । तर फिल्म निरजाका क्रममा माछामासु छोडिन् । त्यसपछि उनी पनि शाकाहारी भएकी छन् र आफूले पहिलाभन्दा राम्रो महसुस गरेको बताउँछिन् ।
करिना कपूर
शाहिदले करिना कपूरलाई फिल्म जब वी मिटका क्रममा जिरो फिगरका लागि शाकाहारी बन्ने सल्लाह दिएका थिए । त्यतिबेला देखि लिएर अहिलेसम्म उनी शाकाहारी नै छन् ।
रेखा
रेखा पनि आफू शाकाहारी भएकोमा खुशी छन् । उनको भनाईअनुसार शाकाहारी भयो भने दिमाग पनि शान्त रहन्छ र अझै गहिरो भएर सोंच्न पनि सकिन्छ ।
Facebook Comment
Comment