काठमाडौं । काठमाडौँ महानगर पालिकाका मेयर बालेन बालेन शाहले प्रशासकीय अधिकृत वसन्त अधिकारीलाई जसरी पनि महानगरबाट सरुवा गर्न लगाएपछि सरकारले फेरेको छ ।
सरकारले महानगरको नयाँ प्रशासकीय अधिकृतमा प्रदीप परियारलाई पठाएको छ । बुधबार बसेको मन्त्रिपरिषद्को बैठकले यस्तो निर्णय गरेको थियो ।
महानगरका प्रमुख प्रशासकीय अधिकृत अधिकारीलाई मधेसी आयोगमा सरुवा गरिएको छ ।
पछिल्लो समय महानगरपालिका प्रमुख बालेन र अधिकारीबिच सम्बन्ध बिग्रेको थियो । शाहले अधिकारीलाई जसरी पनि महानगरबाट सरुवा गर्न चाहेका थिए । अधिकारीलाई सरुवा गर्नको लागि उनलाई बिदामा बस्न लगाइएको थियो ।
महानगर अन्तर्गतको सहरी स्वास्थ्य प्रवर्द्धन केन्द्रमा कर्मचारी नियुक्त गर्ने विषयमा कार्यपालिकाले गरेको निर्णय किर्ते गरेको आरोप उनीमाथि लागेको थियो ।
यस घटनामा बालेनले निजी सचिव नुर निधि न्यौपाने, वरिष्ठ अधिकृत भगवती विडारी तथा स्वास्थ्य सेवा प्रमुख रामप्रसाद पौडेललाई निलम्बन गरेका छन् ।
Facebook Comment
Comment