मनसुन बाहिरिएपनि फेरि देशैभर पानी पर्दै, दसैँमा भने मौसम सफा हुने

नेपालभ्युज

काठमाडौं। मनसुन बाहिरिए पनि फेरि देशैभर पानी पर्ने भएको छ ।

आजदेखि देखि मध्य र पूर्वी भेगमा हल्का देखि मध्यम खालको वर्षाको सम्भावना देखिएको त्रिभुवन विश्वविद्यालयको जल तथा मौसम केन्द्रीय विभागका सहप्राध्यापकसमेत रहेका मौसमविद् विनोद पोखरेलले बताए ।

आजदेखि एक दुई दिन देशका केही ठाउँमा मात्रै वर्षा भएपनि आउँदो सोमबारदेखि बुधबारसम्म भने देशका धेरै ठाउँमा लगातार पानी पर्ने सम्भावना छ ।

तर दसैँका प्रमुख दिनहरुमा मौसम सफा रहने पूर्वानुमान छ । कात्तिक १ गतेदेखि मौसममा सुधार हुने देखिएकोले दशैँका मुख्य दिनहरूमा पानी नपर्ने पोखरेलले बताएका छन् ।