काठमाडौं । त्रिभुवन अन्तर्राष्ट्रिय विमानस्थलबाट ठूलो परिमाणमा सुन बरामद भएको छ । राजस्व अनुसन्धान विभागको टोलीले बुधबार विमानस्थलबाट करिब १ सय किलो सुन बरामद गरेको हो ।
दिउँसो विभागको टोलीले तयारी पोसाक, गार्मेन्टलगायतको कार्गो निरीक्षणका क्रममा ठूलो परिमाणमा सुन फेला पारेको थियो।
उक्त सुन परीक्षणबाट पुष्टि भएपछि विभागको टोलीले अहिले तौल र मूल्याङ्कन गरिरहेको बताएको छ । बरामद भएको सुनको मुल्य एक अर्बभन्दा बढीको भएको विभागको प्रारम्भिक अनुमान छ।
सुन भित्र्याउने कार्यमा संलग्न केही व्यक्तिलाई पनि प्रहरीले पक्राउ गरेको बताइएको छ । नेपालमा हालसम्म एकै पटक बरामद भएको यो नै सबैभन्दा ठूलो परिणामको सुन हो ।
बरामद सुन मंगलबार क्याथे फ्यासिफिकको उडानमार्फत काठमाडौं आएको बताइएको छ । उक्त सुन मोटरसाइकलको ब्रेक शु का नाममा बुधबार भन्सार जाँच पास भएको पाइएको छ ।
सुनको यकिन परिमाण निकाल्ने कार्य भइरहेको छ । अधिकारीहरुले ८० देखि १ सय किलोसम्म हुन सक्ने बताएका छन् ।
Facebook Comment
Comment