थप ८४ जनामा कोरोना संक्रमण, संक्रिय संक्रमित ३५८

नेपालभ्युज

काठमाडौँ । गत २४ घण्टामा ८४ जनामा कोरोना भाइरस संक्रमण पुष्टि भएको स्वास्थ्य मन्त्रालयले जनाएको छ ।

मन्त्रालयका अनुसार विहीबार १ हजार ४०२ नमूना परीक्षण गरिएकामा २७२ पीसीआर परीक्षणमा ६३ जना र १ हजार १३० जनाको एन्टिजेन परीक्षण गर्दा २२ जना गरी ८४ जनामा संक्रमण देखिएको हो ।

योसँगै देशभर कोरोना संक्रमितको संख्या ३५८ जना पुगेको छ भने काठमाडौं उपत्यकामा १९ जनामा संक्रमण पुष्टि भएको छ ।

हाल संस्थागत आइसोलेसनमा १७ जना, आईसीयूमा ४ जना र भेन्टिलेटरमा एकजना कोरोना संक्रमित रहेको मन्त्रालयले जनाएको छ ।