रुसलाई टुक्र्याउने प्रयास हुँदैछ : पुटिन

नेपालभ्युज

रसिया। रुसी राष्ट्रपति भ्लादिमिर पुटिनले रुसलाई ‘विच्छेदन’ गर्ने प्रयास गरेको भन्दै पश्चिमा राष्ट्रको आलोचना गरेका छन् । युक्रेनमा आफ्नो आक्रमणको उद्देश्य ‘रुसी जनतालाई एकताबद्ध गर्ने भएको उनले बताए।

किभको सार्वभौमिकतालाई नजरअन्दाज गर्दै र युक्रेनमा उनको १० महिनाको आक्रमणलाई जायज ठहराउँदै तथा ‘ऐतिहासिक रुस’को अवधारणा प्रयोग गर्दै पुटिनले युक्रेनीहरू र रुसीहरू एउटै व्यक्ति भएको तर्क गरेका छन् ।

पुटिनले एक अन्तर्वार्ताको अंशमा रुसका ‘भूराजनीतिक विपक्षीहरू’ले ऐतिहासिक रुसलाई टुक्राटुक्रा पार्ने लक्ष्य राखेको आरोप लगाएका छन् । ‘विभाजन गर्नुहोस् र जित्नुहोस्, जुन उनीहरूले सधैं पूरा गर्न खोजेका छन् र अझै पनि त्यही गर्न खोजिरहेका छन्’, राष्ट्रपति पुटिनले थपे ।