काठमाडौंमा ५१ प्रतिशत मतगणना सकिँदा बालेन धेरै अगाडि

बालेन धेरै अगाडि पुगिसक्दा गठबन्धनकी सिंह र एमालेका स्थापितबीच दोस्रोमा कडा प्रतिस्पर्धा भइरहेको छ।

नेपालभ्युज

काठमाडौं। काठमाडौं महानगरपालिकाको ५१ प्रतिशत मतगणना सकिएको छ। हालसम्म काठमाडौं महानगरका ३२ ओटा वडामध्ये, १ देखि ६ सम्मका सबै वडासहित ८,२८,२९,३० र ३२ वडाको मतगणना सम्पन्न भइसकेको छ।

हालसम्मको मतगणनाको परिणामअनुसार स्वतन्त्र उम्मेदवार बालेन शाहले सुदूर मतान्तरले अग्रता कायम गरेका छन्। उनी नेकपा एमालेका केशव स्थापितलाई १६ हजार १२६ र गठबन्धनबाट नेपाली कांग्रेसकी सिर्जना सिंहलाई १६ हजार २९१ मतले लिड गरिरहेका छन्।

शनिबार साँझ ५ बजे सार्वजनिक मतगणनाको परिणामअनुसार बालेनले ३५ हजार ३७४ मत पाएकोमा उनलाई धेरै पछाडिबाट पछ्याइरहेका स्थापितले १९ हजार २४८ मत पाएका छन्। यस्तै कांग्रेसकी सिंहले १९ हजार ८३ मत पाएकी छन्।