काठमाडौं । लगातार उकालो लाग्दै आइरहेको सेयर बजार साताको कारोबारको पहिलो दिन नै दोहोरो अंकले घटेको छ । आज नेप्से परिसूचक २२ दशमलव १४ अंकले घटेर २१०९ दशमलव ३४ को विन्दुमा पुगेको छ ।
आइतबार ३१५ कम्पनीका ७० हजार ५ सय ८६ पटकको कारोबारमा १ करोड १० लाख ४४ हजार ४ सय ८५ कित्ता सेयर खरिद बिक्री भएको छ । जसमा कारोबार रकम भने ४ अर्ब ४४ करोड १५ लाख ३८ हजार ४ सय ७१ रुपैयाँ रहेको छ ।
त्यस्तै, आज क वर्गको कम्पनीको मापक सेन्सेटिभ इन्डेक्स पनि ३ दशमलव ४४ अंकले घटेर ३७९ दशमलव २३ को विन्दुमा पुगेको छ । आज २९ वटा कम्पनीको सेयर भ्यालु बढेको छ भने २१५ वटाको घटेको छ । त्यस्तै, ३ वटाको स्थिर रहेको छ ।
१३ वटा उपसमूहमध्ये २ वटा बढेको छ भने ११ वटा घटेको छ । सबैभन्दा धेरै घट्नेमा निर्जीवन बीमा कम्पनी रहेको छ । जसको परिसूचक १११ दशमलव ४० अंकले घटेको छ । त्यस्तै, बीमा कम्पनीले ८३ दशमलव ४५ अंकले गुमाएको छ भने माईक्रोफाइनान्स कम्पनीहरूले ८१ दशमलव ६९ अंकले गुमाएको छ ।
बैंकिङ समूहले १० दशमलव ४९ अंकले गुमाएको छ भने विकास बैंकले ४८ दशमलव ६४, फाइनान्सले ४७ दशमलव ४१, हाइड्रोपावरले ४० दशमलव ७६ अंकले गुमाएको छ ।
त्यस्तै, आइतबार होटेल एन्ड पर्यटनमा लगानीकर्ता झुम्मिएका छन् । जुन १७७ दशमलव ६४ अंकले बढेको छ । त्यस्तै, म्यानुअल फन्ड सामान्य अंकले बढेको छ ।
Facebook Comment
Comment